ឆ្លងចរន្តអគ្គិសនី បណ្តាលឲ្យឆាបឆេះសណ្ឋាគារប៉ារ៉ាឌី
23-November-2019 | ដោយ ពលមនសិការ
សៀមរាប៖ កាលពីរសៀលថ្ងៃសុក្រ ១១រោច ខែកត្តិក ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២២ ខែវិច្ឆិកា ឆ្នាំ២០១៩ មានករណីអគ្គិភ័យឆាបឆេះឃ្លាំងដាក់។
លោកឧត្តមសេនីយ៍ត្រី ភឹង សម្បត្តិ ស្នងការរងទទួលការិយាល័យបង្ការពន្លត់អគ្គិភ័យ និងសង្គ្រោះ បានឲ្យដឹងថា ករណីអគ្គិភ័យ បណ្តាលមកពីបើកឌីសង់ទ័រ ក្រោយមកផ្ទុះសេឆ្លងចរន្តអគ្គិសនី ភ្លើងឆេះបន្ទប់ស្ទីម សូណា សណ្ឋាគារប៉ារ៉ាឌីអង្គរវីឡា ទំហំ១០ម៉ែត្រx៣០ម៉ែត្រ ស្ថិតនៅក្រុមទី១០ ភូមិចុងកៅស៊ូ សង្កាត់ស្លក្រាម ក្រុង/ខេត្តសៀមរាប ដែលមានម្ចាស់ទីតាំងឈ្មោះ ទ្រីង ប៊ុនសង់ ភេទប្រុស អាយុ៥៥ឆ្នាំ សញ្ជាតិខ្មែរ រស់នៅក្រុមទី១០ ភូមិចុងកៅស៊ូ សង្កាត់ស្លក្រាម ក្រុង-ខេត្តសៀមរាប។
លោកឧត្តមសេនីយ៍ត្រី បានបញ្ជាក់ថា ក្នុងហេតុការណ៍នេះបណ្តាលឲ្យរងការខូចខាតឆេះបន្ទប់អគារមានទំហំ១០ម៉ែត្រ ×៣០ម៉ែត្រ កម្ពស់ ៥ម៉ែត្រជញ្ជាំងថ្ម និងសម្ភារប្រើប្រាស់មួយចំនួនធំ ប៉ុន្តែមិនមានគ្រោះថ្នាក់ដល់អាយុជីវិតប្រជាពលរដ្ឋទេ។
កម្លាំងសមត្ថកិច្ចបានអន្តរាគមន៍ពន្លត់អគ្គិភ័យដោយប្រើប្រាស់រថយន្តពន្លត់អគ្គិភ័យចំនួន០៧គ្រឿង ស្មើ១៣ឡាន ក្នុងនោះមានរថយន្តពន្លត់អគ្គិភ័យស្នងការដ្ឋាននគរបាលខេត្ត ០៣គ្រឿង ប្រើទឹកអស់៥រថយន្ត រថយន្តពន្លត់អគ្គិភ័យអធិការដ្ឋាននគរបាលក្រុងសៀមរាប០១គ្រឿង ប្រើទឹកអស់ ០២រថយន្ត រថយន្តពន្លត់អគ្គិភ័យអង្គភាពនគរបាលការពារបេតិកភ័ណ្ចចំនួន០១គ្រឿង ប្រើទឹកអស់២រថយន្ត រថយន្តពន្លត់អគ្គិភ័យកងរាជអាវុធហត្ថខេត្ត ០២គ្រឿង ប្រើទឹកអស់ ០៤រថយន្ត ៕
ចំនួនអ្នកទស្សនា
- ថ្ងៃនេះ3131
- ម្សិលមិញ20231
- សប្តាហ៍នេះ82211
- ខែនេះ104091
- ឆ្នាំនេះ104091
- សរុប20546547